كنت قاعد قلقان جدا مستنى النتيجة لما اكون فى مكان نسبه النجاح فيه 25% لازم تتخيلوا قد ايه الدراسه صعبة والسنه الدراسية اشبه بالجحيم
المهم اتصلت بواحد قالى اسمك منزلش فى الالسامى اللى هتاخد التدريب الصيفى ودة معناه انى لا قدر الله منجتش وهعيد سنه جديدة من جحيم جديد
حمدت ربنا
واتصلت على واحد تانى اطلب منه كتب المعادلة عشان هعملها
لقيته بيقولى مبرووك يا احمد انته نجحت طبعا مصدقتش قلتله انته متاكد قالى اه والله اسمك موجود وشوفته بعينى
بردو مصدقتش
وكنت قلقان قوى اتصلت بواحد تانى عشان يتاكدلى والحمد لله قالى انته نجحت
روحت بنفسى ولقيت انى الحمد لله نجحت
قد ايه ربنا عز وجل كريم وقد ايه ودود وقد ايه كبير انا بجد مهما شكرت ربنا ده ميكفيش اى حاجة من حنانه وعطفة وكرمة عليه بجد يا رب اشهد الا اله الا انت سبحانك انى كنت من الظالمين
واللى يثق فى الله ويدعوة بقلب خاشع مش ممكن يرد دعاه
6 comments:
الأول مبروك يا مان على النجاح ويا رب دايما
تفكرنى بموقف لما كنت فى سنه رابعه وكنت شايل مادة كيمياء حيوى لمده اربع سنين عشان اشتكيت الدكتور فقعدج يسقطنى لغاية ما جبت واسطة والله يا عم عشان أنجح
المهم قالو ان التخلفات بتاع المادة دى 3 من 30 نجحو قلت بس خلاص انا شيلت المادة للمرة الخامسة معقول انا اللى هنجح
المهم لما ظهرت النتيجة واتأكدت انى من التلاته انا فرحت اوى وحمدت ربنا على كل شئ
اتقرب من ربك هينولك كل حاجه كويسة وناجحة
وبالتوفيق يا مان
"اذا سألك عبادى عنى فانى قريب اجيب دعوة الداعى اذا دعنى فليستجيبو لى وليؤمنو بى لعلهم يرحمون"الاول مبروك على النتيجه
ثانيا فعلا ربنا كريم اوى ورحمان رحيم وربنا يدمها عليك نعمة النجاح ونعمة القرب من الله
دى اول مره ليا ازور مدونتك بس اتمنى اقرى جديدك دايما
تحياتى
3abdo me7tas
شكرا ليك انته اول حد ينورنى هنا بتعليقه وزى ما قلتلك انته مدونتك جميلة قوى يمكن تكون من احسن المدونات اللى قريتها
بخصوص حكايتك انا مش عارف ليه الدكاترة ليهم نفوذ واسع كده فى الجامعات المفروض يبقى فى ديموقراطيه اكبر من كده بس احسن حاجة نتبع المثل اللى بيقول امشى عدل يحتار عدوك فيك
والواحد يخلص الكام سنه اللى فى الكليه ويتخرج ويشوف مستقبله بعيد عن المشاكل
شكرا مرة تانى لتشريفك
only spot
زيارتك نورتنى واتمنى انها تتكرر متخافيش انا مش هصدعكم بكلامى انا مش هرغى كتير
وباذن الله هتشوفينى ديما فى مدونتك
شكرا لزيارتك
اهلا اهلا اهلا
الف الف مبروك يا بيه عالنجاح وعقبال كل السنين الجاية يارب
واسمع هنا سلام كبير شحط محط للبيه احمد الناجححححححححححححححححححح
لولولولولولولولولى
مبروك يا احمد
تحياتى وسلامى
هبة
doba
الله يبارك فيكى وبجد متعرفيش انا فرحت قد ايه لما عرفت انك كنتى مهتمه بالموضوع دة
ربنا يخليكى لينا
Post a Comment